人情承負表

「承負表」原本係會計用語：

• 承＝我哋接住嘅嘢

• 負＝需要處理、需要平衡嘅嘢

放落「人情」度，就變成：

我哋喺關係入面，無形之中承接咗幾多、揹住咗幾多。

人情承負表：

記錄我哋喺關係中，

無聲承接過嘅重量。

1️⃣ 人情承負表｜點解「欠」會令人不安

欠債還錢 ，

天經地義！

但喺華人社會，

爭人錢唔係最難攪！

我哋怕欠人情、欠恩、欠關係、欠交代...有啲嘢明明冇寫低、亦唔會講得清楚，但每個人都有部「數簿」自動記賬。

怕——欠咗「人情」，唔知點還。

有時人哋只係幫咗一個小忙，你可能已經開始諗：「我下次要點還返哩個人情？」「如果唔幫佢，會唔會顯得我唔識做人？」

於是，「欠」變成一種「心理負擔」，令我哋做選擇嘅時候，唔敢忠於自己，

變咗無得揀，唔想都要做去！

慢慢哩種情況引發成，

「我仲可唔可以安心做自己」嘅自我懷疑之中。

（下一篇：點解有啲人，其實好在意「人哋欠我」）