高功能 低感受 （活像一個機械人）

明明一切睇落去都好，但總覺得心裡好似差咗啲乜嘢？

有時候，我會見到一啲好叻嘅人。佢哋處理生活、工作、家庭，甚至面對危機時，都展現出一種令人敬佩嘅高效同穩定。

你會以為佢哋好似「無堅不摧」。

但喺最近嘅 Session 入面，我慢慢睇到，呢種「高性能」背後，好多時係因為我哋無意識地切斷咗同身體嘅連結。唔係因為唔想，而係因為太辛苦，唯有將所有情緒先「凍結」喺身體嘅角落，繼續衝，唔停落嚟。

我知道，呢種「高性能但低感覺」嘅狀態，係我哋嘅自己嘅保護機制送俾我哋嘅「禮物」！

好似一個防護罩，保護住我哋，但同時亦將我哋同快樂、同平靜、甚至同真實嘅自己隔絕開。

但心裡的需要真係唔會隔離得到好耐，越壓抑反彈得越厲害。

心身症就會出現！最後「無堅不摧」都係「冧檔」

作為諮詢師，我好尊重呢種保護機制。因為我知，當一個人未準備好，外面嘅提醒往往係一種冒犯。

所以，我唔想講大道理。

我只係想話，如果你覺得生活好似按咗「自動導航」好耐，對周遭變得麻木，或者覺得連接情緒係一件好危險嘅事——

其實，你已經做得好好。 試著，每日花一分鐘，俾自己靜落嚟，感覺下自己嘅呼吸，感覺下雙腳踩喺地面嘅質感。

唔需要即刻要答案，亦唔需要即刻要改變。 

只要肯停落嚟，望清楚，慢慢會見到「真實的你」。

#心靈驛站 #高性能低感覺 #身體覺察 #創傷療癒 #停一停